មើលពហុកីឡដ្ឋានជាតិកំពុងជួសជុលសម្រាប់លីកកម្ពុជា និងជម្រុះ World Cup

ពហុកីឡដ្ឋានជាតិអូឡាំពិកកំពុងត្រូវបានជួសជុលយ៉ាងសកម្មភាពដើម្បី ឲ្យរួចរាល់សម្រាប់ការរៀបចំប្រកួតលីកបាល់ទាត់កំពូលកម្ពុជារដូវ កាលឆ្នាំ២០១៥ ប៉ុន្តែឥឡូវនេះកាន់តែពិសេសថែមទៀតសម្រាប់ការទទួលធ្វើជាម្ចាស់ ផ្ទះនៃយុទ្ធនាការជម្រុះបាល់ទាត់ពិភពលោកឆ្នាំ២០១៨ជុំទីពីរ ប្រចាំទ្វីបអាស៊ី បន្ទាប់ក្រុមកម្ពុជាទទួលបានជ័យជម្នះលើម៉ាកាវ។

ចំពោះយុទ្ធនាការជម្រុះបាល់ទាត់ពិភពលោកឆ្ពោះទៅឆ្នាំ២០១៨នៅ ប្រទេសរុស្ស៊ី សម្រាប់ជុំទីពីរប្រចាំទ្វីបអាស៊ីគ្រោងនឹងចាប់ផ្តើមពីថ្ងៃទី ១១ ខែមិថុនា ឆ្នាំ២០១៥ដល់ថ្ងៃទី២៩ ខែមីនា ឆ្នាំ២០១៦ ខណៈការចាប់ឆ្នោតជ្រើសពូលក្នុងចំណោមប្រទេសទាំង៤០នៅទ្វីបអាស៊ី គ្រោងនឹងធ្វើនៅថ្ងៃ១៤ ខែមេសា ឆ្នាំ២០១៥ វេលាម៉ោង៥ល្ងាចនៅប្រទេសម៉ាឡេស៊ី ដូច្នេះការជួសជុលពហុកីឡដ្ឋានជាតិអូឡាំពិកគឺរួចរាល់សម្រាប់ធ្វើ ម្ចាស់ផ្ទះហើយ។

គិតត្រឹមសប្តាហ៍នេះ ការកសាងពហុកីឡដ្ឋានជាតិកំពុងចាក់គ្រួសខ្មៅល្អិតមុនពេលដាក់ ស្មៅជ័រ។ ការជួសជុលដែលប្រើប្រាស់ថវិកា Goal Project របស់ FIFA ចំនួន៥០ ម៉ឺនដុល្លារសហរដ្ឋអាមេរិកគ្រោងនឹងបញ្ចប់នៅថ្ងៃទី១៥ ខែឧសភា ឆ្នាំ ២០១៥ ខាងមុខ បន្ទាប់ពីចាប់ផ្តើមឈូសឆាយកាលពីថ្ងៃទី១៥ ខែវិច្ឆិកា ឆ្នាំ២០១៤៕

olypic stadium 3