ទូរស័ព្ទ Nokia 215ពី Microsoftតម្លៃ $32.5 មានដាក់លក់នៅកម្ពុជាហើយ

ភ្នំពេញ ៖ ក្រុមហ៊ុន Microsoft ថ្ងៃនេះបានប្រកាសថា ទូរស័ព្ទដៃ Nokia 215 ស៊ីមពីរ រួចរាល់ សម្រាប់ការ ដាក់លក់ ជូនអតិថិជន នៅកម្ពុជាហើយ ។ ទូរស័ព្ទដៃដែលតម្លៃទាប ហើយអាច ភ្ជាប់ប្រើប្រាស់ អ៊ិនធឺណិតបាន ម៉ូដែលនេះ ផ្តល់លទ្ធភាព កាន់តែច្រើន ថែមទៀតឲ្យបណ្តា ជន ទាំងឡាយ ក្នុងការរក្សា ទំនាក់ទំនងជាមួយក្រុម គ្រួសារ ឬ មិត្តភ័ក្រ្ត នៅទូទាំង ពិភពលោក ការចូលទៅ ស្វែងរកព័ត៌មាន ដែលគេ ត្រូវការនៅ ក្នុងពិភពអ៊ិនធឺណិត និងទទួលយក សេវាកម្មនានាពី Microsoft ទៅប្រើប្រាស់ ។ ខាងក្រោមនេះគឺជា គុណសម្បត្តិសំខាន់ៗ មួយចំនួន នៃ Nokia 215 ៖

ស្វែងរកព័ត៌មានផ្សេងៗតាម Opera Mini Browser, Bing Search, MSN Weather និង Twitter.
រក្សាទំនាក់ទំនងតាម Facebook និង Messenger ដែលផ្តល់ ដំណឹងភ្លាម ពីទូរស័ព្ទ
ផ្ញើទិន្នន័យទៅវិញទៅមកជាមួយនឹងទូរស័ព្ទដៃដទៃបានយ៉ាងងាយតាមរយៈ បច្ចេកវិជ្ជា SLAM
អាចភ្ជាប់នឹងកាស Bluetooth
ប្រើធ្វើជាពិលក៏បាន
និយាយទូរស័ព្ទបាន 20 ម៉ោងជាប់គ្នា ចំណែកថ្មអាចបើកទុកចោល បានរហូតដល់ 29 ថ្ងៃ
ស្តាប់ចម្រៀង MP3 បានរហូតដល់ទៅ 50 ម៉ោង ឬវិទ្យុចំនួន 45 ម៉ោង
ថតរូបភាពជាមួយនឹងកាមេរ៉ាដែលភ្ជាប់មកជាមួយនឹងទូរស័ព្ទរួចជាស្រេច ។

លោក Rahul Karve អគ្គនាយកនៃក្រុមហ៊ុន Microsoft Devices Cambodia បានគូស បញ្ជាក់ថា ៖ ក្រុមហ៊ុន Microsoft នៅតែ បន្តប្តេជ្ញាចិត្តស្វែងរកភាពច្នៃ ប្រឌិតថ្មី និងផ្តល់ ជូនអតិថិជន ដែលចាប់ ផ្តើមប្រើប្រាស់ ទូរស័ព្ទលើក ដំបូងនូវបច្ចេក វិទ្យាថ្មីៗ ។ ជាក់ស្តែង Nokia 215 បាននឹងកំពុង បំពេញបេសកកម្មនេះ គឺផ្តល់លទ្ធភាព ជូនបណ្តាជន នៅទូទាំង ពិភពលោក នូវភាពរីករាយ នឹងប្រើប្រាស់ សេវាកម្មអនឡាញ ដូចជា Facebook, Messenger, MSN Weather, Opera Mini ក្នុងតម្លៃទាប ដែលគេអាចមាន លទ្ធភាពទិញ ។

Nokia 215 នឹងត្រូវដាក់លក់នៅក្នុងប្រទេសកម្ពុជាចាប់ពីថ្ងៃទី 22 មីនា 2015 ក្នុងតម្លៃ $32.5 ដោយមាន ជម្រើស បីពណ៌គឺ បៃតង ខ្មៅ និងពណ៌ស ។

សង្ខេប Nokia 215

Device	Nokia 215 and Nokia 215 Dual SIM
Operating system	Nokia Series 30+
Display	2,4” QVGA
Battery	BL-5C ,1100 mAh
Talk time & Standby time	Talk time: up to 20hrs Standby time: up to 21 days (Dual SIM)
Camera	VGA Camera
Connectivity	900/1800 MHz, : micro USB, 3.5mm AV connector, Bluetooth 3.0 with SLAM and HSP/HFP profile
Memory	Up to 32GB Micro SD supported
Dimensions	116mm x 50mm x 12.9mm 78,7g អត្ថបទដើមពី៖ ខ្មែរឡូត